मनोरंजन, सर्जनशीलता आणि संस्कृतीच्या जगाला एकत्र आणणाऱ्या जागतिक शिखर परिषदेच्या WAVES च्या सल्लागार मंडळाची एक विस्तृत बैठक नुकतीच संपली. सल्लागार मंडळाचे सदस्य विविध क्षेत्रातील प्रतिष्ठित व्यक्ती आहेत, ज्यांनी केवळ त्यांच्या समर्थनाचा पुनरुच्चार केला नाही तर भारताला जागतिक मनोरंजन केंद्र बनवण्याच्या आपल्या प्रयत्नांना आणखी कसे वाढवायचे याबद्दल मौल्यवान सूचना देखील शेअर केल्या या प्रतिक्रिया शिखर परिषदेनंतर पंतप्रधानांनी एक्स वर शेअर केल्या आहेत.
भारत चित्रपट आणि दूरचित्रवाणी कार्यक्रम निर्मितीत आघाडीवर असून या क्षेत्राचा देशाच्या अर्थव्यवस्थेत मोठा वाटा आहे. या क्षेत्रातील संधी आणि विकासाची गती वाढवून भारत आगामी काळात मनोरंजनाचे जागतिक केंद्र बनले पाहिजे यासाठी प्रयत्न करणे आवश्यक असल्याचे मत त्यांनी व्यक्त केले.
पंतप्रधान नरेंद्र मोदी यांनी जागतिक ऑडिओ व्हिज्युअल एंटरटेनमेंट (वेव्हज)(World Audio Visual Entertainment (WAVES) Summit) . शिखर परिषदेदरम्यान बोलत होते. अमिताभ बच्चन, शाहरुख खान, रजनीकांत, अनुपम खेर, हेमा मालिनी आणि इतर अनेक प्रसिद्ध कलाकारांशी यावेळी संवाद साधला आणि भारताला जागतिक मनोरंजन केंद्रात रूपांतरित करण्याबाबत सविस्तर चर्चा केली.
या वेळी कलाकारांव्यतिरिक्त, पंतप्रधान मोदींनी वेव्हज शिखर परिषदेच्या सल्लागार मंडळाशी संबंधित असलेल्या भारत आणि परदेशातील प्रमुख व्यक्तींशी व्हर्च्युअल संवाद साधला. रिलायन्स इंडस्ट्रीजचे अध्यक्ष मुकेश अंबानी, मायक्रोसॉफ्टचे सीईओ सत्या नाडेला आणि महिंद्रा अँड महिंद्राचे अध्यक्ष आनंद महिंद्रा, नेटफ्लिक्सचे सह-सीईओ टेड सारँडोस यासारख्या प्रमुख व्यक्ती देखील या महत्त्वपूर्ण संवादाचा सहभागी होत्या.
